परियोजना अवलोकन
कार्यकारी सारांश
मानव अधिकार र मर्यादाको लागि सामूहिक आवाज परियोजना NNDSWO को अगुवाईमा रहेको समता फाउन्डेसन, RDN नेपाल, जागरण मिडीया सेन्टर र मधेसी दलित महासंघ (MDDF) को पाँच संस्थाहरूको संयोजन मार्फत कार्यान्वयन गर्न डिजाइन गरिएको हो। यो आयोजना पाँच जिल्ला: सुनसरी, सप्तरी, बारा, दैलेख र कैलालीमा र राष्ट्रिय स्तरमा ३० महीनासम्म लागू हुनेछ । यस परियोजनाले विशेष गरी जातीय भेदभाव र छुवाछुत (CBD&U) र त्यसको परिणामस्वरूप बहिष्करणको मुख्य समस्यालाई सम्बोधन गर्ने लक्ष्य राखेको छ जुन नेपालमा मानवअधिकार र विकासको समस्या हो। लक्षित समुहहरुमा मानव अधिकार सम्बन्धी ज्ञानको कमी, कानूनको गैरकार्यान्वयन, मानव अधिकारका मापदण्ड र नीतिहरूको कम पहुँचयोग्य सुरक्षा संयन्त्र र विभिन्न निकायहरुको कमजोर स्वामित्व र तिनीहरू बीचको सहयोग र राज्य सेवा र दायित्व प्रदान गर्न जिम्मेवार निकायहरु पूर्ण रूपमा सचेत छैनन् वा संस्थागत कार्यहरूको अभाव छ । यसै सन्दर्भलाई ध्यानमा राखेर यो परियोजना सञ्चालन गरिएको हो ।
प्रभावः समाजमा दलित र बहिष्करणमा पारिएका समूहहरूले मानवअधिकार र सामाजिक न्याय मार्फत विकासमा पहुँचको साथ दैनिक जीवनमा सम्मान र मर्यादाको अनुभुती पाएका हुनेछन ।
नतिजाः नेपालका सान्दर्भिक मानवअधिकार कानून, मापदण्ड र प्रतिबद्धता बमोजिम दलित र बहिष्कृत समूहको अधिकारको प्रवर्द्धन र संरक्षणका लागि अधिकारवालाको बढ्दो माग र सरोकारवालाहरूसँग ऐक्यबद्धतामा बृद्धी भएको हुनेछ ।
प्रतिफहरुः
प्रतिफल १: कायक्षेत्रका आम समुदयहरुलाई गैरभेदभाव र मानवअधिकार संरक्षण संयन्त्रसँग सम्बन्धित कानून र नीतिहरूको सम्बन्धमा आलोचनात्मक बुझाई कायम भएको हुनेछ ।
प्रतिफल २: जातीय भेदभाव र छुवाछुत प्रथाहरू विरुद्ध लड्न र सबै परिस्थितिमा सबैका लागि मानव अधिकारको प्रवर्द्धन गर्न दलित र गैर(दलित समुदाय र संगठनहरूद्वारा सामूहिक आवाज र कार्यहरूमा बृद्धी भएको हुनेछ ।
प्रतिफल ३: दलित नागरिक समाज संस्थाहरु, सेवा प्रदान गर्ने एजेन्सीहरू विशेष गरी गाविस र मानव संसाधन संगठनहरू विभिन्न स्तरमा मानव अधिकारको सिद्धान्तलाई आफ्नो कार्यहरूमा लागू गर्नेछन ।
मुख्य क्रियाकलापहरुः
प्रतिफल १ अन्तरका मुख्य क्रियाकलापहरुः
- मानव अधिकार एक्टीभिष्टको निर्माण र परिचालन
- श्रव्य दृश्य सहित IEC सामग्री संग मानव अधिकार शिक्षा अभियान
- सरकारी नीतिको समीक्षा र पृष्ठपोषण
- स्थानीय परामर्श मार्फत CERD मा छाया प्रतिबेदन
- मिडिया साँझेदारी र परिचालन
प्रतिफल २ अन्तरका मुख्य क्रियाकलापहरुः
- एलायन्सको गठन, पुर्नगठन र परिचालन
- ऐक्यबद्धता संवादहरु
- मानव अधिकार मैत्री नमूना गाविस अभियान
- ऐक्यबद्धता मार्च
- जातीय छुवाछूत र बिभेद (कसुर र सजाय ऐन) को कार्यान्वयनको स्थितिमा अध्ययन र संवाद
- घटना अनुगमन,
- फयाक्ट फाईन्डीङ्ग
- मिडिया मार्फत सञ्चार संवाद र प्रेरक सन्देश प्रशारण गर्ने
- जातीय भेदभाव अन्त्य गर्न असल अभ्यासहरू सम्बन्धी कार्यशाला गोष्ठी
प्रतिफल ३ अन्तरका मुख्य क्रियाकलापहरुः
- HRBA र GESI सम्बन्धी क्षमता अभिबृद्धी
- मानव अधिकार बिकास अवधारणा सवलीकरण कार्यशाला गोष्ठी
- बजेट जनवकालत अभियान
- दलित समावेशीकरण लेखाजोखा
- सार्वजनिक सुनुवाइ
- विपद् पुर्नलाभमा समानता र गैरभेदभावको लागि जनवकालत र लबी
- नयाँ संविधानमा दलित अधिकार कार्यान्वयनका लागि बहस र लबिङ