ह्याबिट्याट फर ह्युम्यानिटी इन्टरनेशनल नेपालको आर्थिक तथा प्राविधिक सहयोगमा राष्ट्रिय दलित नेटवर्क नेपालद्धारा सन १ मे, २०२२ देखि ३० जुन, २०२३ सम्म कैलाली जिल्लामा सुरक्षित आवास परियोजना कैलाली सञ्चालन भईरहेको छ । यस मुख्य उद्देश्य भूमिहीन, दलित, मुक्त कमैया, हलिया, बादी समुदाय, बाढी प्रभावित र अन्य जोखिममा परेका परिवारलाई सुरक्षित आवासको माध्यमबाट उनीहरुको मर्यादित जीवनलाई सुनीश्चित गर्नु रहेको छ। परियोजना अन्तरगत भूमि आयोगसंगको समन्वयमा संयुक्त लालपुर्जा बितरणका प्रकृयामा स्थानीय सरकारलाई सहयोग पनि समावेश छ। यसका साथै सरसफाई सचेतना, प्रकोय जोखीम न्यूनिकरण, सामुदायिक सवलीकरण र युवा परिचालनका लागि पनि गतिविधिहरू सञ्चालन भइरहेका छन्। परियोजनाको औचित्यः संघीय सरकार भूमि ब्यवस्था, सहकारी तथा गरिबी निवारण मन्त्रालयद्धारा गठित मुक्त हलिया, कमैया, कमलरी र हरवाचरवा बस्तुस्थिती अध्ययन समितिको प्रतिबेदनले मुक्त हलिया, कमैया, कमलरी र हरवाचरवाको सुरक्षित आवासका लागि तनै तहका सरकार (स्थानीय, प्रदेश र संघीय) ले तत्काल पहल गर्नुपर्ने सुझाव सिफारिश गरेको छ ।नेपालको संविधान धारा ४० को (५) र (६) ले भूमिहीन दलित समुदायलाई जग्गा दिने व्यवस्था गरेको छ भने मानवअधिकारको विश्वव्यापी घोषणापत्र (UDHR) ले आवासको अधिकारलाई मौलिक मानवअधिकारका रूपमा औँल्याएको छ । कृषि मजदुरहरुः मुक्त हलिया, कमैया, बादी समुदाय र अन्य सीमान्तकृत र जोखिममा परेका समूहहरूलाई आवास सहयोगको आवश्यकता रहेको देखिएको छ । साथै मुक्त हलिया, कमैया, बादी समुदाय र अन्य सीमान्तकृत र जोखिममा परेका समूहहरू अझैसम्म पनि सार्वजनिक/सरकारी स्वामित्वको जग्गामा झुपडीको घर सहित गरिबीको जीवन बिताउन बाध्य छन्।
लक्ष्यः भूमिहीन, दलित, मुक्त कमैया, हलिया, बादी समुदाय, बाढी प्रभावित र अन्य जोखिममा परेका परिवारलाई सुरक्षित आवासको माध्यमबाट उनीहरुको मर्यादित जीवनलाई सुनीश्चित गर्नु
उद्देश्यः समाजमा पछाडी पारिएका अति बिपन्न समुदायहरुः दलित, मुक्त कमैया, हलिया लगायत अन्य सिमान्तकृत समुदायको भूमि तथा आवाशको अधिकार सुनिश्चित गर्ने
मुख्य क्रियाकलापहरुः
